لْإِنْجِيل غَارس ثْنَاين ن يِسمَاون، قَارن-اَس لْإِنْجِيل قَّارن-اَس ڒْعَاهذ ذ جْذِيذ. لْإِنْجِيل ذَايس 27 ن سُّوْرَاثِين. سُّوْرَا وِيس سطَّاش يُوْرِي-ت سِيذْنَا بُوْلُس، قَّارن-اَس ثَبْرَات وِيس ثْنَاين ن اَرَّسُوْل بُوْلُس غَار تِيمُوْثَاوُس. ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث. ثَانِيتَا ذ يجّن ن ثبْرَات إِي يُوْرَا اَرَّسُوْل بُوْلُس غَار يِجّن ن وحنْجِير قَّارن-اَس تِيمُوْثَاوُس زݣ يمْعَشَارن نّس. تِيمُوْثَاوُس يتْبشَّر س لْإِنْجِيل جَار ڒْمُوْمِنِين ن عِيْسَى لْمَسِيح يزذْغن ذِي ثنْدِينْت ن ؤُفَسُوْس. سِيذْنَا بُوْلُس يسڒْمَاذ تِيمُوْثَاوُس ينصّح-يث خ ڒْخذْمث نّس جَار ڒْمُوْمِنِين نِّي أُو عَاوذ خ مَامش تِيڒِي جْمَاعث ن ڒْمُوْمِنِين.
أَقَا يجّن ن لْأَيَا زِي سُّوْرَا-يَا ثقَّار-اَنغ قَا كُڒ لْأَيَا يدْجَان ذِي لْكِتَاب مُقدّس ثُوْسَا-د زِي أَربِّي. نْتَاف اَوَاڒن-أَ ذݣ وُوْذم وِيس 3 ذِي لْأَيَا 16 ثقَّار: أَقَا مَارَّا ثِيْرَا مُقدّْسِين ؤُسِينْت-يد زِي أَرُّوْح ن أَربِّي، نفّْعنْت حمَا اَزَّايْسنْت نْسڒْمذ اَزَّايْسنْت ننْهَا اَزَّايْسنْت نْصحّح اَزَّايْسنْت نْربَّا عْلَاحْسَاب صُّلْح.
كْلِيكَا سْوَادَّاي بَاش اَذ تْغَرذ اَوَاڒن نّغْنِي ن أَربِّي س ثْمَازِيغْث ن أَرِّيف إِي د يُوْسِين ذِي سُّوْرَا-يَا قَّارن-اَس ثَبْرَات وِيس ثْنَاين غَار تِيمُوْثَاوُس.
