ثَبْرَات ن أَرَّسُول بُلُوس غَار ڒْمُومِنِين يدْجَان ذِي ثنْدِينْت ن رُومَا س ثْمَازِيغْث ن أَرِّيف (ثَرِيفِيث)

لْإِنْجِيل غَارس ثْنَاين ن يِيسمَاون، قَّارن-اَس لْإِنْجِيل قَّارن-اَس عَاوذ ڒْعَهذ ذ جْذِيذ۔ لْإِنْجِيل ذَايس 27 ن سُّوْرَاث۔ سُّوْرَا وِيس ستَّا يُوْرِي-ت سِيذْنَا بُوْلُس أُو قَّارن-اَس ثَبْرَات ن اَرَّسُول بُوْلُس غَار ڒْمُوْمِنِين يدْجَان ذِي ثنْدِينْت ن رُوْمَا۔ ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث۔ مِين يعْنَا سِيذْنَا بُوْلُس؟ تُوْغَا نتَّا ذ اَئِسْرَائِيلِي ذ اَخْوَانْجِي، مَاشَا يژْرَا سِيذْنَا عِيسَى ذِي لْوَاحِي يكَّار بُوْلُس يُوْمن زِي سِيذْنَا عِيسَى
۔ ئِݣِّي-ث أَربِّي ذ اَرَّسُوْل۔ سُّوْرَا-يَا ذ يج ن ثبْرَاث إِي يُوْرَا سِيذْنَا بُوْلُس إِ ڒْمُوْمِنِين يمزْوُوْرَا إِي زدّْغن ذِي ثنْدِينْت ن رُوْمَا۔ يُوْرَا ذَايس سِيذْنَا بُوْلُس خ مِيخف غَا ننْجم، يعْنِي غِير مڒَا نُوْمن زِي سِيذْنَا عِيسَى وَار يدْجِي بُو س لْحَسَنَاث نّغ إِي غَا نݣّ إِ أَربِّي۔ حمَا أَ نْسَارْضَا أَربِّي يتْخصَّا أَ نَامن زِي سِيذْنَا عِيسَى۔ مڒَا لَّا، عمَّارْص أَ نْفكّ زِي لْحِسَاب ذ لِعِقَاب ن أَربِّي خْمِي غَا نحْضَار زَّاثس ذِي يَوْم لْقِيَامَا۔ مڒَا نُوْمن زِي سِيذْنَا عِيسَى وَار نْزمّر أَ نݣّوذ وَالُو۔ ثقَّار سُّوْرَا-يَا ذݣ وُوْذم وِيس 8 زِي لْأَيَا 38 اَڒ 39:

أَقَا نش متْأَكّد بلِّي ؤُڒَا ذ يج ن ثْمسْڒَايْث زِي مِين د يتْوَاخڒْقن وَار ثْزمّر اَذَانغ ثعْزڒ خ ڒمْحِيبّث ن أَربِّي إِي د يسظْهَارن ذِي سِيذْنَا عِيسَى لْمَسِيح: ڒَا ذ ڒْموْث، ڒَا ذ ثُوذَارْث، ڒَا ذ لمَلَائِكَاث، ڒَا ذ شَّيَاطِن، ڒَا ذ جْنُون، ڒَا ذ مِين يدْجَان ڒخُّو، ڒَا ذ مِين د غَا يَاسن، ڒَا ذ مِين يُوْعْڒَان، ڒَا ذ مِين يُودْجْغن، ؤُڒَا ذ شَان نّغْنِيت۔

غر نِغ صنّط سْوَادَّاي إِ وَاوَاڒن نّغْنِيت ن أَربِّي إِي د يُوْسِين ذِي سُّوْرَا قَّارن-اَس ثَبْرَات ن اَرَّسُول بُوْلُس غَار ڒْمُوْمِنِين يدْجَان ذِي ثنْدِينْت ن رُوْمَا۔

أرسل لنا تعليقاتك أو أسئلتك