لْإِنْجِيل غَارس ثْنَاين ن يِسمَاون، قَارن-اَس لْإِنْجِيل قَّارن-اَس ڒْعَاهذ ذ جْذِيذ. لْإِنْجِيل ذَايس 27 ن سُّوْرَاثِين. سُّوْرَا وِيس ثنْعَاش يُوْرِي-ت سِيذْنَا بُوْلُس، قَّارن-اَس ثَبْرَات ن اَرَّسُوْل بُوْلُس غَار ڒْمُوْمِنِين ن أَيث-كُوْلُوْس. ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث. سِيذْنَا بُوْلُس مِين يعْنَا؟ تُوْغَاث نتَّا ذ اَئِيْسْرَائِيلِي ذ اَخْوَنْجِي، وَلَكِن يجّن ن نْهَار يژْرَا سِيذِيثْنغ عِيْسَى ذِي لْوَاحِي يكَّر يُوْمن زَّايس. يݣِّي-ث أَربِّي ذ اَرَّسُوْل. وَامِي يُوْرَا ثَبْرَات-أَ اَرَّسُوْل بُوْلُس تُوْغَاث ذ اَمحْبُوْس ذݣ يِجّن ن ڒحْبس عْلَاحْسَاب لْإِيمَان نّس زِي عِيْسَى لْمَسِيح.
أَقَا شَا ن وَاوَاڒن زِي سُّوْرَا-يَا يسَّاوَاڒن خ سِيذْنَا عِيْسَى. أَقَاثن ذݣ وُوْذم وِيس 1 ذِي لْأَيَا 15 حتَّا لْأَيَا 16 ثقَّار: مِّيس نتَّا ذ صِّفث ن أَربِّي ونِّي وَار نْزمَّر نشِّين اَث نْژر. نتَّا ذ اَمنْزُو يحكّم خ قَاع مِين د يتْوَاخڒْقن. زَّاين نتَّا إِي زِي د تْوَاخڒْقنْت قَاع ثِمسْڒَايِين إِݣ يدْجَان ذݣ وجنَّا نِغ ذِي ثْمُوْرْث. وَاخَّا تْبَاننْت-يد نِغ وَار د تْبِيننْت شَا. نِغ ذ لْعَرْشَاث نِغ ذ لْممْلَاكَاث نِغ ذ يِنِّي يحكّْمن نِغ ذ يِنِّي يجهْذن. قَاع ثِمسْڒَايِين-أَ زَّايس إِي د تْوَاخڒْقنْت، تْوَاخڒْقنْت-اَس-د إِ نتَّا. كْلِيكَا سْوَادَّاي بَاش اَذ تْغَرذ اَوَاڒن نّغْنِي ن أَربِّي س ثْمَازِيغْث ن أَرِّيف إِي د يُوْسِين ذِي سُّوْرَا-يَا قَّارن-اَس ثَبْرَات ن اَرَّسُوْل بُوْلُس غَار ڒْمُوْمِنِين ن أَيث-كُوْلُوْس.
