ثوذارث ن سيذنا إسحق ذ سيذنا يعقوب س ثمازيغث ن أرّيف (ثريفيث)


صنّط إِ ڒبْعَاض ن لْأَيَاث زِي سُّوْرَا ؤُمِي قَّارن إِمزْوُوْرَا زݣ وُوْذم وِيس 25 اَڒ 35۔ ثسَّاوَاڒ خ ڒِيَّام ن سِيذْنَا إِسْحَق ذ مِّيس سِيذْنَا يَعْقُوْب، ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث۔


غر ذَانِيتَا خ سِيذْنَا يَعْقُوْب وَامِي يمُوْغْزر اَك يِج ن لْمَلَائِكَا يرزُّو سِيذْنَا يَعْقُوْب اَث يبَرك سِيذ أَربِّي۔ مَانَايَا اَقَاث ذݣ وُوْذم وِيس 32 زِي لْأَيَا 22 اَڒ 28: ئِكَّار سِيذْنَا يَعْقُوْب دْجِيڒث نِّي، يِيوِي ثِمْغَارِين نّس س ثْنَاين، ذ ثْنَاين ن ثْخدَّامِين نّس، ذ حِطَاش ن ثَارْوَا نّس، ئِزْوَا يغْزَار ؤُمِي قَّارن يَبُّوق۔ ئِسزْوَا-ثن اَجمَّاض-ين ن يِيغْزَار اَكذ وَاݣْڒَا نّس مَارَّا۔ مَاشَا يقِّيم سِيذْنَا يَعْقُوْب وَاحْذس أُو يتْمُوْغْزَاڒ اَكِذس ذِينِّي يج ن ورْيَاز اَڒ وَامِي ذ ڒفْجَڒ۔ وَامِي يُوْفَا ورْيَاز نِّي بلِّي وَار ذَاس يزمّر شَا إِ سِيذْنَا يَعْقُوْب اَث يغْڒب، يُوْوْثِي-ث غَار ويُوْمس وضَار، أُوْشَا يبْذَا يتْزحَّاف۔



- ينَّا-ٱس ورْيَاز نِّي إِي سِيذْنَا يَعْقُوْب: "ئِفجَّاڒ-د ڒْحَاڒ، ضْڒق-اَيِي۔"



- يَارَّا خَاس سِيذْنَا يَعْقُوْب: "وَار ذَاش ضدْجْقغ شَا اَڒ ذَايِي غَا ثْبَرْكذ۔"



- ئِسّقْسَا-ث ورْيَاز نِّي: "مَامش ذَاش قَّارن؟"



- يَارَّا خَاس: "قَّارن-اَيِي يَعْقُوْب۔"




- ينَّا-ٱس ورْيَاز نِّي: "وَار يتِيڒِي يِيسم نّش يَعْقُوْب زِي سَّا اَڒ ثْسَاونْت، مَاشَا اَذ يِيڒِي إِسْرَائِيل، مِينْزِي ثْمُوْغْزْڒذ اَكذ أَربِّي ذ يِوْذَان ثْربْحذ۔"


Share