ثوذارث ن سيذنا أيوب س ثمازيغث ن أرّيف (ثريفيث)


صنّط إِ ڒبْعَاض ن لْأَيَاث زِي سُّوْرَا ؤُمِي قَّارن أَيُوْب۔ ثسَّاوَاڒ خ صْبَار ن سِيذْنَا أَيُوْب ذ مَامّش يرْبح خ مِين خَاس د يكِّين ذ ڒمْحَاين، ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث۔


غر ذَانِيتَا زݣ ونݣَّارُو ن سُّوْرَا خ وَامِي ينْجح سِيذْنَا أَيُوْب ذِي ڒمْحَاين إِي خَاس يكِّين، ذݣ وُوْذم 42 زِي لْأَيَا 10 اَڒ 17: أَوَارْنِي إِ مَانَايَا يسْبدّ أَربِّي أَيُوْب يُوْشَا-ٱس ڒْخِير اَطَّاس، كْتَار زِي مِين ڒَا غَارس قْبڒ خ مَرْثَاين۔ يݣَّا يج ن فِيشْطَا حْضَارن-د مَارَّا اَيثْمَاس ذ سْوِيثْمَاس ذ يمدُّوكَاڒ نّس، سِّيوْڒن اَكِذس س وَاوَاڒن ن ڒْخِير، تْفَاجَّان خَاس خ مَارَّا مِين ذَاس يݣَّا أَربِّي، يِيْوِي-د كُڒ يجّن شْوَايْت ن نُّوقَارْث ذ يِج ن ثْخَاثنْت ن دْهب۔ أَربِّي يبَرك خ ثُوْذَارْث ن أَيُوْب كْتَار زݣ ومزْوَارُو۔ أَيُوْب تُوْغَا غَارس اَربعْطَاش اَڒف ن ڒبْهَايم، ستَّ-اَڒف يڒغْمَان، أَڒفَاين يفُوْنَاسن ذ وَاڒف ن يِيغْيَاڒ۔ يُوْشَا-ٱس أَربِّي عشْرَا ن ثَارْوَا نّس، سبْعَا يحنْجِيرن، ذ ثْڒَاثَا ن ثْحنْجِيرِين۔ ئِسمَّا-يَاس إِ ثْمزْوَارُوْت <يَامِيمَا>، وِيس ثْنَاين <كِيسْيَا>، وِيس ثْڒَاثَا <كَارن هَابُّوخ>۔ تُوْغَا وَار ذِينِّي حَدّ ذَايس زِّين اَمشْنَاو نِثنْتِي ذِي مَارَّا ثَمُوْرْث نِّي۔ يُوْشَا-ٱسنْت بَابَاثْسنْت ڒْحَقّ نْسنْت ن ڒْوَارث اَكذ اَيثْمَاثْسنْت۔ منْبَعْد مَانَايَا أَيُوْب يعِيش مِيَّا أُو اَرْبعِين سْنَا حتَّا اَڒْمِي يژْرَا تَارِّين-د ثَارْوَا نّس ذ وَايَّاون نّس ذ ثَارْوَا ن وَايَّاون نّس۔ أُوْشَا يمُّوْث أَيُوْب أُو تُوْغَا-ث يوْسَار اَطَّاس۔