لْإِنْجِيل غَارس ثْنَاين ن يِيسمَاون، قَّارن-اَس لْإِنْجِيل عَاوذ قَّارن-اَس ڒْعَهذ ذ جْذِيذ۔ لْإِنْجِيل ذَايس 27 ن سُّوْرَاث۔ سُّوْرَا وِيس وَاحِيت يُوْرِي-ت سِيذْنَا مَتَّى، أُو ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث۔ مِين يعْنَا سِيذْنَا مَتَّى؟ نتَّا زِي ثنْعَاش نِّي ن اَرُّسُل يمزْوُوْرَا ن سِيذْنَا عِيسَى۔ تُوْغَا غَارس غَار سِيذْنَا عِيسَى شْوِيت ن يمحْضَارن وَامِي يُوْفَا سِيذْنَا مَتَّى يقِّيم غَار يج ن مِيسَّا يجمّع ڒَعْشُوْر إِ ڒْمخْزن ن رُوْمَا۔ أَقَا مِين يوقْعن نْهَار نِّي۔ ثقَّار سُّوْرَا ن سِيذْنَا مَتَّى ذݣ وُوْذم وِيس 9 زِي لْأَيَا 9 اَڒ 13:
وَامِي يُوْيُوْر سّنِّي عِيسَى، ئِژْرَا يج ن ورْيَاز قَّارن-اَس مَتَّى يقِّيم ذݣ ومْشَان مَانِي جمّْعن ڒَعْشُوْر۔ ينَّا-اَس عِيسَى: "ذْفَار-اَيِي-د!" ئِكَّار مَتَّى، ئِذْفَار-يث۔ ئِقِّيم عِيسَى ذِي ثدَّارْث ن مَتَّى، ئِتتّ نتَّا ذ يمحْضَارن نّس۔ أَطَّاس ن يعشَّارن ذ يِنِّي يعْصَان قِّيمن تتّن اَكِذس۔ وَامِي ژْرِين ڒْحِزب ن يفَرِّيسِيْين مَانَاينِّي كَّارن نَّان-اَسن إِ يمحْضَارن نّس: "مَايمِّي يتتّ لْمُعَلِّم نْوم اَكذ يعشَّارن ذ يِنِّي يعْصَان؟ ئِسْڒَا-يَاسن عِيسَى، ينَّا-ٱسن: "ئِوْذَان يدْجَان مْلِيح وَار تحْذِيجن بُو وضْبِيب، تحْذَاجن-ث يمهْرَاش! رُوْحم رْزُوم خ ڒْمَعْنَا ن لْأَيَا إِي يقَّارن: خْسغ اَذ تْرحْمم يوْذَان، وَار خْسغ بُو اَذ تْغَرْصم إِ ڒبْهَايم۔ وَار د ؤُسِيغ اَذ ڒَاغِيغ يِنِّي يدْجَان نِيشَان، ؤُسِيغ-د غَار يِنِّي يعْصَان!"
غر نِغ صنّط سْوَادَّاي إِ وَاوَاڒن نّغْنِيت ن أَربِّي إِي د يُوْسِين ذِي سُّوْرَا ن سِيذْنَا مَتَّى۔
مَتَّى 1: 1-25- مَتَّى 2: 1-23
- مَتَّى 3: 1-17
- مَتَّى 4: 1-25
- مَتَّى 5: 1-48
- مَتَّى 6: 1-34
- مَتَّى 7: 1-29
- مَتَّى 8: 1-34
- مَتَّى 9: 1-38
- مَتَّى 10: 1-42
- مَتَّى 11: 1-30
- مَتَّى 12: 1-50
- مَتَّى 13: 1-58
- مَتَّى 14: 1-36
- مَتَّى 15: 1-39
- مَتَّى 16: 1-28
- مَتَّى 17: 1-27
- مَتَّى 18: 1-35
- مَتَّى 19: 1-30
- مَتَّى 20: 1-34
- مَتَّى 21: 1-46
- مَتَّى 22: 1-46
- مَتَّى 23: 1-39
- مَتَّى 24: 1-51
- مَتَّى 25: 1-46
- مَتَّى 26: 1-75
- مَتَّى 27: 1-66
- مَتَّى 28: 1-20
