ثوذارث ن سيذنا موسى س ثمازيغث ن أرّيف (ثريفيث)


صنّط إِ ڒبْعَاض ن لْأَيَاث زِي سُّوْرَاث ذِي تُوْرَات۔ ئِشْتن قَّارن-اَس ؤُفُوْغ، ئِشْتن قَّارن-اَس ڒْكِتَاب ن أَيث-لَاوِي، ئِشْتن قَّارن-اَس لْعَدَد، ئِشْتن قَّارن-اَس أَفسَّار ن شَّرِيعَا ن مُوْسَى۔ سَّاوَاڒنْت خ ڒِيَّام ن سِيذْنَا مُوْسَى، تَرْجْمنْت ذَانِيتَا س ثْمَازِيغْث ن أَرِّيف، يعْنِي ثَرِيفِيث۔


غر ذَانِيتَا خ عشْرَا ن ڒُوْصِيَاث نِّي إِي ذَاس يُوْشَا سِيذِي أَربِّي إِ سِيذْنَا مُوْسَى۔ مَانَايَا اَقَاث ذِي سُّوْرَا ؤُمِي قَّارن ؤُفُوْغ ذݣ وُوْذم وِيس 20 زِي لْأَيَا 1 اَڒ 17: أُوْشَا يسِّيوڒ أَربِّي س مَارَّا اَوَاڒن-أَ: نش ذ أَربِّي لْإِلَه نّش إِي ش د يسُوْفْغن زِي ثْمُوْرْث ن مِصْرَا مَانِي إِي ش تُوْغَا ذ يسْمغ۔




١       وَار عبّذ بُو لْأَلِهَا نّضْنِيت إِلَا نش۔
٢       وَار تݣّ بُو لْأَصْنَام۔ وَار تݣّ بُو ثصْوِيْرْث إِ مِين يدْجَان ذݣ وجنَّا ذ مِين ذَايس سنّج ن ثْمُوْرْث ذ مِين ذَايس ذݣ وَامَان سْوَادَّاي ن ثْمُوْرْث۔ وَار ذَاسن تْسجَّاذ شَا وَار ثن عبّذ شَا، ڒَحقَّاش نش ذ سِيذِي أَربِّي لْإِلُه نّش۔ وَار خْسغ شَا اَذ تْعبّْذذ شَان لْأَلِهَا نّغْنِيت مبْڒَا زَّايِي۔ تْعقَّابغ يحنْجِيرن خ دْنُوْب إِي ݣِّين لْوَلِدِين نْسن ذ لْوَلِدِين ن لْوَلِدِين نْسن زݣ يِنِّي ذَايِي يشَرّْهن۔ تݣّغ ڒْخِير ذِي ڒُوْڒُوف ن لْأَجْيَال زݣ يِنِّي ذَايِي يتخْسن ذ يِنِّي يتْطَاعَان إِ ڒُوْصِيَاث ينُو۔
٣       وَار نطّق شَا ذِي ڒْبَطڒ س يِيسم ن سِيذِي أَربِّي لْإِلُه نّش، ڒَاحقَّاش سِيذِي أَربِّي يتْعقَّاب ونِّي ينطّْقن س ڒْبَطڒ س يِيسم نّس۔
٤       وَار خدّم شَا ذِي نْهَار ن سّبْث نْهَار ن وَاريَّاح حمَا اَذ يِيڒِي ذ نْهَار اَمْقدّس۔ ستّ-ييَّام إِي غَا ثْخذْمذ، اݣّ مَارَّا شْغُوْرَاث نّش۔ مَاشَا نْهَار ن سّبْث نْهَار ن وَاريَّاح ن سِيذَاي أَربِّي لْإِلُه نّش۔ وَار ذَايس خدّم شَا شك ذ مِّيش ذ يِدْجِيش ذ يِسْمغ نّش ذ ثْخدَّانْت نّش نِغ ذ ڒبْهِيمث نّش نِغ ذ ڒْبَرَّانِي إِي كِش يدْجَان۔ ڒَاحقَّاش سِيذِي أَربِّي يݣَّا اَجنَّا ذ ثْمُوْرْث ذ ڒبْحَار ذ مَارَّا مِين ذَايس ذِي ستّ-ييَّام۔ أُوْشَا يرْتَح ذِي نْهَار ن سّبْث۔ سُوْينِّي يبَرك سِيذِي أَربِّي نْهَار ن سّبْث، يݣِّي-ث اَمْقدّس۔
٥       وقَّر بَابَاش ذ يمَّاش حمَا اَذ يڒِين وُوْسَّان نّش ذِي ثْمُوْرْث ذ يزِيْرَان، إِي غَا ش يُوْش سِيذِي أَربِّي لْإِلُه نّش۔
٦       وَار نقّ شَا۔
٧       وَار زنَّا شَا۔
٨       وَار تَاشَار شَا۔
٩       وَار شهّذ بُو ژُّوْر خ وَاجَّار نّش۔
١٠     وَار عشّق شَا ذِي ثمْغَارْث ن وَاجَّار نّش نِغ ذِي ثدَّارْث نّس نِغ ذݣ يِسْمغ نّس نِغ ذِي ثْخدَّانْت نّس نِغ ذݣ يفُوْنَاسن نّس نِغ ذݣ يِغْيُوْڒن نّس نِغ ذِي شَان ڒْحَاجث نّس۔



Share