راعوث: حنّاس ن سيذنا داود س ثمازيغث ن أرّيف (ثريفيث)


صنّط إِ سُّوْرَا ؤُمِي قَّارن رَاعُوْث۔ نتَّاث ذ حنَّاس ن سِيذْنَا دَاود۔ ثسَّاوَاڒ خ ڒِيَّام ن رَاعُوْث، ثْتَرْجْم ذَانِيتَا س ثْمَازِيغث ن أَرِّيف، يعْنِي ثَرِيفِيث۔


غر ذَانِيتَا خ رَاعُوْث وَامِي ثْخس اَذ تِينِي مَا ٱذ تقِّيم ذِي ثْمُوْرْث نّس نِغ اَذ تسْمح ذِي ڒحْبَاب نّس اَذ تْرَاح اَكذ لَلَّاس نَعِيمَا غَار بَيْت لَحْم غَار يِج ن ثْمُوْرْث ثݣّْوج۔ مَانَايَا اَقَاث ذݣ وُوْذم وِيس 1 زِي لْأَيَا 15 اَڒ 19: ثنَّا-ٱس لَالَّاس: "خْزَر! أَقَا ثَنُوْط نّم ثْروّح، ثعْقب غَار ڒْقُوْم نّس ذ لْأَلِهَا نّس۔ عْقب ؤُڒَا ذ شم اَكِذس۔"



- ثَارَّا-د خَاس رَاعُوْث ثنَّا-ٱس:



وَار خَافِي تْزيَّار شَا بَاش اَذَايم سمْحغ،
وَار خَافِي تْزيَّار شَا بَاش اَخَام بعّْذغ۔
مِينْزِي مَانِي مَا ثْرُوْحذ، أَكِم رَاحغ،
ئِي مَانِي مَا ثْزذْغذ، أَكِم زذْغغ۔
ڒْقُوْم نّم اَذ يِيڒِي ذ ڒْقُوْم ينُو،
أَربِّي نّم اَذ يِيڒِي ذ أَربِّي ينُو۔
مَانِي مَا ثمُّوْثذ شم،
اَذ مّْثغ ؤُڒَا ذ نش،
أُو ذِينِّي إِي غَا نضْڒغ۔
أُو سِيذِي أَربِّي اَذَايِي يعدّب مڒَا سمْحغ ذَايم،
وَار خَام فَرْقغ حتَّا اَڒ ذَايِي غَا ثْفَرْق خَام ڒْموْث۔





أَڒْمِي ثژْرَا نَعِيمَا بلِّي رَاعُوْث ثْخس أُو لَابُد اَكِس تْرَاح، وَار ثقِّيم بُو ثسَّاوَاڒ اَكِذس كْتَار خ وعْقَاب۔ رُوْحنْت نَعِيمَا ذ رَاعُوْث س ثْنَاين إِذْسنْت غَار ثنْدِينْت نِّي ؤُمِي قَّارن بَيْت لَحْم۔۔۔