ثبرات ويس ثناين ن أرّسول بلوس غار ڒمومنين زي أيث-كورينث س ثمازيغث ن أرّيف (ثريفيث)


لْإِنْجِيل غَارس ثْنَاين ن يِسمَاون، قَارن-اَس لْإِنْجِيل قَّارن-اَس عَاوذ ڒْعَاهذ ذ جْذِيذ. لْإِنْجِيل ذَايس 27 ن سُّوْرَاث. سُّوْرَا وِيس ثْمنْيَا يُوْرِي-ت سِيدْنَا بُوْلُس أُو قَّارن-اَس ثَبْرَات وِيس ثْنَاين ن اَرَّسُوْل بُوْلُس غَار ڒْمُوْمِنِين زِي أَيث-كُوْرِنْث. ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث. مِين يعْنَا سِيذْنَا بُوْلُس؟ تُوْغَا نتَّا ذ اَئِيْسْرَائِيلِي ذ اَخْوَنْجِي، وَلَكِن يجّن ن نْهَار يژْرَا سِيذِيثْنغ عِيْسَى ذِي لْوَاحِي يكَّار بُوْلُس يُوْمن زَّايس. يݣِّي-ث أَربِّي ذ اَرَّسُوْل. سُّوْرَا-يَا ذ يجّن ن ثبْرَات نّغْنِي إِي يُوْرَا سِيذْنَا بُوْلُس إِ ڒْمُوْمِنِين يمزْوُوْرَا زِي ثنْدِينْت ن كُوْرِينْث ذِي ثْمُوْرْث ن لْيُوْنَان. ذِي ثبْرَات-أَ يُوْرَا سِيذْنَا بُوْلُس خ شَا ن لْمَشَاكِل ذِي جْمَاعث نِّي ن ڒْمُوْمِنِين. أَرَّسُوْل بُوْلُس ذ ڒْمُوْمِنِين نِّي غَارْسن تَّارِيخ جَارَاسن. ذ نتَّا إِݣ يݣِّين جْمَاعث نِّي وَلَكِن منْبَعْد ؤُسِين-د شَان يِوْذَان نّغْنِي رزُّوْن اَذ تْرَايَّان ذِنِّي اَذ بُوْسَرن خ ڒْمُوْمِنِين نِّي س وسڒْمَاذ نْسن مَاشِي نِيشَان. ڒْمُوْمِنِين ذِي ثنْدِينْت نِّي ن كُوْرِينْث جِّين-ثن اَذ ݣّن مَانَاينِّي مِينْزِي لْإِيمَان نْسن يضْعف. ذ اَنݣَّارُو اَزْين اَمقّْرَان قبْڒن مِين ذَاسن ينَّا اَرَّسُوْل بُوْلُس وَلَكِن ڒبْعَاض عَاذ تْعرَّاضن ثْغُوْرِي نِيشَان. يِنَا اَثن يعَاقب أَربِّي س وفُوْس ن سِيذْنَا بُوْلُس عْلَاحْسَاب سُّلْطَا إِي ذَاس يُوْشَا إِ اَرَّسُوْل-أَ. خْزَر سْوَادَّاي أُو كْلِيكذ خ رَّوَابِيط ذِي لْمِلْفَاث بي دي اف بَاش اَذ ثغرذ اَوَاڒن نّغْنِي ن أَربِّي إِي د يُوْسِين ذِي سُّوْرَا-يَا قَّارن-اَس ثَبْرَات وِيس ثْنَاين ن أَرَّسُوْل بُوْلُس غَار ڒْمُوْمِنِين زِي أَيث-كُوْرِينْث.



خ مَانَايَا، ئِجّن مڒَا يدْجَا ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم اَقَا يعْذُو يُوْسَا-د مِين يدْجَان ذ جْذِيذ.


( ؤُذم وِيس 5، لْأَيَا 17 )

Share