لْإِنْجِيل غَارس ثْنَاين ن يِيسمَاون، قَّارن-اَس لْإِنْجِيل قَّارن-اَس
عَاوذ
ڒْعَهذ ذ جْذِيذ۔ لْإِنْجِيل ذَايس 27 ن سُّوْرَاث۔ سُّوْرَا وِيس عِشْرِين يُوْرِي-ت سِيذْنَا يَعْقُوْب أُو قَّارن-اَس ثَبْرَات ن يَعْقُوْب۔ ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث۔ مِين يعْنَا سِيذْنَا يَعْقُوْب؟ نتَّا ذ مِّيس ن مَرْيَم يمَّاس ن سِيذْنَا عِيْسَى۔ يُوْمن سِيذْنَا يَعْقُوب زِي سِيذْنَا عِيسَى يذْوڒ ذ اَرَّسُول أُو ذ اَرَّايس ن جْمَاعث ن ڒْمُوْمِنِين ذِي لْقُدْس۔ ثَبْرَاث-أَ ثسَّاوَاڒ-اَنغ خ يبْرِيذن إِي زِي غَا نخْذم لْإِيمَان نّغ۔ ثسَّاوَاڒ-اَنغ خ لْإِيمَان ذ ڒخْذَايم، ذ يپُوْبْرِيثن ذ تْوَاجَر، ذ مَامّش غَا نرْبح ڒمْحَاين س صْبَار ذ ثْژَادْجِيث، ذ ڒفْهَامث زِي أَربِّي، ذ مَامّش غَا نْصنّط أَ نݣّ اَوَاڒ ن أَربِّي، ذ ڒْخَطَر إِݣ يدْجَان ذݣ يِيڒس، ذݣ وُوْذمَاون ذ تَّكبُّرَا ذ وعيّب۔ ثقَّار سُّوْرَا-يَا ذݣ وُوْذم وِيس 1 زِي لْأَيَا 12 اَڒ 15: سَّعْد ن ونِّي يصْبَارن ذِي ڒمْحَاين، مِينْزِي خْمِي غَا ينْجح أَذ ييْسِي تَّاج ن ثُوذَارْث إِي زِي يعَاهذ اربِّي إِ يِنِّي ث يتْحِيبَّان۔ مَڒَا يوضَا شَان يجّن ذِي شَان ڒْمِحْنَاث، وَار يقِّير شَا أَقَا ڒْمِحْنَاث-أَ ثُوسَا-د زِي أَربِّي۔ مِينْزِي أَربِّي وَار يتمْتِيحِين حَد حمَا أَذ يوضَا ذِي شّرّ، شّرّ وَار يتمْتِيحِين بُو أَربِّي۔ مَاشَا بْنَاذم يتْوَاغَرَّا ذِي سَّبَاب ن شّهْوث نّس ثَعفَّانْت إِي ث يخدّْعن تقّن-يث۔ شّهْوث تْمرْنِي-د تَاوِي-د ڒْمُعْصِيّث، أُو ڒْمُعْصِيّث ثْمقَّار أُوشَا تَاوِي-د ڒْموْث۔ غر نِغ صنّط سْوَادَّاي إِ وَاوَاڒن نّغْنِيت ن أَربِّي إِي د يُوْسِين ذِي سُّوْرَا قَّارن-اَس ثَبْرَات ن يَعْقُوْب۔
