ثَبْرَات ثَمزْوَارُوْت ن اَرَّسُوْل بُوْلُس غَار تِيمُوْثَاوُس س ثْمَازِيغْث ن أَرِّيف (ثَرِيفِيث)


لْإِنْجِيل غَارس ثْنَاين ن يِسمَاون، قَارن-اَس لْإِنْجِيل قَّارن-اَس ڒْعَاهذ ذ جْذِيذ. لْإِنْجِيل ذَايس 27 ن سُّوْرَاثِين. سُّوْرَا وِيس خمّسْطَاش يُوْرِي-ت سِيذْنَا بُوْلُس، قَّارن-اَس ثَبْرَات ثَمزْوَارُوْت ن اَرَّسُوْل بُوْلُس غَار تِيمُوْثَاوُس. ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث. ثَانِيتَا ذ يجّن ن ثبْرَات إِي يُوْرَا اَرَّسُوْل بُوْلُس غَار يِجّن ن وحنْجِير قَّارن-اَس تِيمُوْثَاوُس زݣ يمْعَشَارن نّس

. تِيمُوْثَاوُس

 يتبشَّر س لْإِنْجِيل جَار ڒْمُوْمِنِين ن عِيْسَى لْمَسِيح يزذْغن ذِي ثنْدِينْت ن ؤُفَسُوْس. سِيذْنَا بُوْلُس يسڒْمَاذ تِيمُوْثَاوُس ينصّح-يث خ ڒْخذْمث نّس جَار ڒْمُوْمِنِين نِّي أُو عَاوذ خ مَامش تِيڒِي جْمَاعث ن ڒْمُوْمِنِين.


ذِي سُّوْرَا-يَا غَارْنغ يجّن ن نَّشِيد زِي لْأَمْدَاح يقْذِيمن زِي جْمَاعث ن ڒْمُوْمِنِين. ئِسَّاوَاڒ خ سِيذِيثْنغ عِيْسَى لْمَسِيح. نْتَاف اَوَاڒن-أَ ذݣ وُوْذم وِيس 3 ذِي لْأَيَا 16 ثقَّار: 

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان:

نتَّا، ذ بْنَاذم إِي د يمظْهَارن،

ذ أَرُّوْح إِي خَاس يشهْذن.

نتَّا، ذ لْمَلَائِكَاث إِي ذَايس يخْزَرن،

ذ ڒݣْنُوْس إِي زَّايس يتْوَابشَّرن.

نتَّا، ذِي دُّنشْت ينِّي إِي زَّايس يُوْمْنن،

ذ لْعَظَامَا ن وجنَّا إِي ث يقبْڒن.


كْلِيكَا سْوَادَّاي بَاش اَذ تْغَرذ اَوَاڒن نّغْنِي ن أَربِّي س ثْمَازِيغْث ن أَرِّيف إِي د يُوْسِين ذِي سُّوْرَا-يَا قَّارن-اَس ثَبْرَات ثَمزْوَارُوْت غَار تِيمُوْثَاوُس.

Share