لْكِتَات ن مَرْقُس ذ اَمدُّوْكڒ ن سِيذِيثْنغ عِيْسَى لْمَسِيح س ثْمَازِيغْث ن أَرِّيف (ثريفيث)

لْإِنْجِيل غَارس ثْنَاين ن يِيسمَاون، قَّارن-اَس لْإِنْجِيل عَاوذ قَّارن-اَس ڒْعَهذ ذ جْذِيذ۔ لْإِنْجِيل ذَايس 27 ن سُّوْرَاث۔ سُّوْرَا وِيس ثْنَاين يُوْرِي-ت سِيذْنَا مَرْقُس أُو ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث۔ مِين يعْنَا سِيذْنَا مَرْقُس؟ نتَّا زݣ يمحْضَارن يمزْوُوْرَا ن سِيذْنَا عِيسَى۔ تُوْغَا يُوْمن زِي سِيذْنَا عِيسَى، ئِبْذَا يݣُّوْر اَكِذس ذِي ڒْخذْمث نّس۔ ثقَّار سُّوْرَا ن سِيذْنَا مَرْقُس ذݣ وُوْذم وِيس 1 زِي لْأَيَا 9 اَڒ 11: ذِي ڒِيَّامَاث نِّي يُوْسَا-د عِيسَى زِي دْشَار ن نَّاصِرَا، إِي يدْجَان ذِي ثْمُورْث ن لْجَلِيل، يطهَّار-يث يَحْيَى ذݣ يِغْزَار ن لْأُرْدُن۔  وَامِي د يُوْڒِي زݣ وَامَان، ڒْخدّْنِّي يژْرَا اَجنَّا ينُوْرْزم، ذ أَرُّوح ن أَربِّي يهْوَا-د خَاس اَمشْنَاو يج ن ثذْبِيرْث.  ئِج ن ثْمِيجَّا زݣ وجنَّا ثقَّار: "شك ذ ممِّي يعِيزّن، فَرْحغ زَّايَك۔"

ئِقَّار عَاوذ ذݣ وُوْذم وِيس 8 زِي لْأَيَا 34 اَڒ 38: ئِڒَاغَا-د خ يمحْضَارن نّس ذ ڒْغَاشِي، ئِنَّا-اَسن: "ونِّي يخْسن اَذَايِي يذْفَار نش، أَذ يسْمح ذݣ يِيخف نّس، أَذ يكسِّي صَّلِيب نّس مِيخ غَا يعدّب، أَذَايِي يذْفَار۔ ڒَاحقَّاش ون يخْسن اَذ يرْبح ڒَعْمَر نّس اَث يخْسر۔ ون غَا يخسرن ڒَعْمَر نّس خ ڒسْبَاب ينُو ذ ڒسْبَاب ن لْإِنْجِيل اَث يرْبح۔ مِيزِي غَا ثنْفع بْنَاذم مڒَا يرْبح دُّنشْت ثكْمڒ اَذ يخْسر ڒَعْمَر نّس؟ مِين غَا يُوْش بْنَاذم ذݣ ومْشَان ن ڒَعْمَر نّس؟ ونِّي خَافِي غَا يعفّرن، نِغ أَذ يعفّر خ وَاوَاڒ ينُو ذِي زْمَان-أَ اَعفَّان يخدّْعن أَربِّي، أَخَاس يعفّر مِّيس ن بْنَاذم خْمِي د غَا يَاس س لْعَضَمَا ن بَابَاس اَكذ لْمَلَائِكَاث يقدّْسن۔ غر نِغ صنّط سْوَادَّاي إِ وَاوَاڒن نّغْنِيت ن أَربِّي إِي د يُوْسِين ذِي سُّوْرَا ن سِيذْنَا مَرْقُس۔