لْإِنْجِيل غَارس ثْنَاين ن يِسمَاون، قَارن-اَس لْإِنْجِيل قَّارن-اَس ڒْعَاهذ ذ جْذِيذ. لْإِنْجِيل ذَايس 27 ن سُّوْرَاثِين. سُّوْرَا وِيس ستَّا أُو عِشْرِين يُوْرِي-ت اَرَّسُوْل يَهُوْذَا، قَّارن-اَس ثَبْرَات ن سِيذْنَا يَهُوْذَا غَار ڒْمُوْمِنِين. ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث. ثَانِيتَا ذ يجّن ن ثبْرَات إِي يُوْرَا سِيذْنَا يَهُوْذَا غَار ڒْمُوْمِنِين يمزْوُوْرَا. أَرَّسُوْل يَهُوْذَا نتَّا ذ ؤُمَاس ن عِيْسَى لْمَسِيح زݣ يمَّاس. سِيذْنَا يَهُوْذَا يسڒْمَاذ ڒْمُوْمِنِين بَاش اَذ ذفَّارن اَوَاڒن ن اَرُّسُل اَذ ݣّْوْجن زِي تَّعْلِيم ن يِوْذَان نِّي تُوْغَا رزُّوْن اَذ سْعوّْجن اَوَاڒن ن سِيذِيثْنغ عِيْسَى لْمَسِيح.
أَقَا ثْنَاين ن لْأَيَاث ذِي سُّوْرَا-يَا سَّاوَاڒنْت خ عِيْسَى لْمَسِيح ذ اَرَّحْمث نّس إِي غَا نحْذَاج نشِّين ذِي يَوْم لْحِسَاب ذ لْعِقَاب بَاش اَغَارْنغ ثِيڒِي ثُوْذَارْث ن ڒبْدَا ن ڒبْدَاث. أَوَاڒن-أَ نْتَاف-يثنْت ذِي لْأَيَاث 20 ذ 21 قَّارنْت: كنِّيو آي يمْعِيزّن ينُو، بْنَاث يخف نْوم ذِي دْسَاس ن لْإِيمَان يُوْعْڒَان إِي يدْجَان ذَايْوم، ژَّادْجم س أَرُّوْح يقدّْسن. ئِتْخصَّا اَذ تقِّيمم ذِي ڒمْحِبّث ن أَربِّي اَذ تْرَاجَام اَرَّاحْمث نِّي ن سِيذِيثْنغ عِيْسَى لْمَسِيح ثنِّي إِي كنِّيو يتَاوِين غَار ثُوْذَارْث نِّي وَار يفنِّين شَا عمَّارْص.
كْلِيكَا سْوَادَّاي بَاش اَذ تْغَرذ اَوَاڒن نّغْنِي ن أَربِّي س ثْمَازِيغْث ن أَرِّيف إِي د يُوْسِين ذِي سُّوْرَا-يَا قَّارن-اَس ثَبْرَات ن اَرَّسُوْل يَهُوْذَا غَار ڒْمُوْمِنِين.
