لْإِنْجِيل غَارس ثْنَاين ن يِسمَاون، قَّارن-اَس لْإِنْجِيل قَّارن-اَس عَاوذ ڒْعَاهذ ذ جْذِيذ. لْإِنْجِيل ذَايس 27 ن سُّوْرَاث. سُّوْرَا وِيس ثْسَعْطَاش يُوْرِي-ت يجّن ن اَرَّسُوْل، ثَبْرَات نِّي قَّارن-اَس ثَبْرَات غَار يعِيبْرَانِيْين. ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث. سُّوْرَا-يَا ذ يجّن ن ثبْرَات إِي يُوْرَا يجّن ن اَرَّسُوْل إِ ڒْمُوْمِنِين يمزْوُوْرَا إِي يُوْمْنن زِي سِيذِيثْنغ عِيْسَى لْمَسِيح.
ذِي ثبْرَات-أَ يتْشرَّاح اَرَّسُوْل نِّي ثَا س ثَا خ مِين يعْنَا سِيذِيثْنغ عِيْسَى لْمَسِيح. سِيذِيثْنغ عِيْسَى مَاشِي غِير ذ بْنَاذم وَاهَا، نتَّا عَاوذ ذ مِّس ن أَربِّي. نتَّا ذ ڒفْقِيه اَمقّْرَان، يمْغَر خ مَارَّا ڒْفُقْهَا يمقّْرَانن ن دُّوْنِيث-أَ. نتَّا ذ لْوَاصِط جَار بْنَاذم إِݣ يعصَّان ذ أَربِّي سُبْحَانَا وَتَعَالَى. عَاوذ ذِي ثبْرَات-أَ يتْشجَّاع اَرَّسُوْل نِّي ڒْمُوْمِنِين اَذ صبَّرن خْمِي تْوَاجَاهن اَعدّب. ئِتخصَّا وَار تْبدِّين شَا اَذ مُوْنن اَݣ وَايَوْيَا، ئِتْخصَّا اَذ شجّْعن اَيَاوْيَا بَاش اَذ ݣّن ڒْخِير ذ ڒمْحِبّث.
ؤُذم وِيس 11 ن ثبْرَات-أَ مَعْرُوْف. ئِسَّاوَاڒ خ مِين يعْنَا لْإِيمَان ذ شَا ن يِوْذَان يقْذِيمن إِݣ يسْخدَّامن يجّن ن لْإِيمَان ذ اَمقّْرَان اَطَّاس ذِي ثُوْذَارْث نْسن. خ سِيذِيثْنغ عِيْسَى ثقَّار سُوْرَا-يَا ذݣ وُوْذم وِيس 1 ذِي لْأَيَا 3: نتَّا ذ نُّوْر ن لْعَظَمَا ن أَربِّي ذ صِّفث ن طَّبِيعَا نّس بْڒَا اَخطِّي. س جّهْذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيّث ن بْنَاذم يسِيصْفَا-ت، سّنِّي يقِّيم خ وفُوْسِي ن أَربِّي سُبْحَانَا وَتَعَالَى. صنّط نِغ غر سْوَادَّاي اَوَاڒن نّغْنِي ن أَربِّي إِي د يُوْسِين ذِي سُّوْرَا-يَا قَّارن-اَس ثَبْرَات غَار يعِيبْرَانِيْين.
ثبرات غار يعيبْرانيْين 1: 1-14- ثبرات غار يعيبْرانيْين 2: 1-18
- ثبرات غار يعيبْرانيْين 3: 1-19
- ثبرات غار يعيبْرانيْين 4: 1-16
- ثبرات غار يعيبْرانيْين 5: 1-14
- ثبرات غار يعيبْرانيْين 6: 1-20
- ثبرات غار يعيبْرانيْين 7: 1-28
- ثبرات غار يعيبْرانيْين 8: 1-13
- ثبرات غار يعيبْرانيْين 9: 1-28
- ثبرات غار يعيبْرانيْين 10: 1-39
- ثبرات غار يعيبْرانيْين 11: 1-40
- ثبرات غار يعيبْرانيْين 12: 1-29
- ثبرات غار يعيبْرانيْين 13: 1-25
