لْإِنْجِيل غَارس ثْنَاين ن يِسمَاون، قَارن-اَس لْإِنْجِيل قَّارن-اَس ڒْعَاهذ ذ جْذِيذ. لْإِنْجِيل ذَايس 27 ن سُّوْرَاثِين. سُّوْرَا وِيس ثْڒطَّاش يُوْرِي-ت سِيذْنَا بُوْلُس، قَّارن-اَس ثَبْرَات ثَمزْوَارُوْت ن اَرَّسُوْل بُوْلُس غَار ڒْمُوْمِنِين ن أَيث-سَلُوْنِيك. ثْتَرْجم ذَانِيتَا س ثْمَازِيغْث ن أَرِّيف، يعْنِي ثَرِيفِيث. يُوْرِي-ت سِيذْنَا بُوْلُس غَار ڒْمُوْمِنِين يمزْرُوْرَا تُوْغَا يزدّْغن ذِي ثنْدِينْت ن سَلُوْنِيك ذِي ثْمُوْرْث ن لْيُوْنَان.
ذِي سُّوْرَا-يَا غَارْنغ شَا ن لْأَيَاث يسَّاوَاڒن خ نْهَار نِّي خْمِي د غَا يذْور سِيذِيثْنغ عِيْسَى لْمَسِيح زݣ وجنَّا غَار دُّنشْت-أَ۔ نتَاف اَوَاڒن-أَ ذݣ وُوْذم وِيس 4 ذِي لْأَيَاث 16 اَڒ 18، ثقَّار:
لِأَنَّا سِيذِيثْنغ اَقَا اَذ د يهْوَا س يِيخف نّس زݣ وجنَّا س يِجّن ن ثْغُوْيِّيث ثمْغَر ذ يِجّن ن ثْمِيجَّا ن لْمَلَاك نِّي اَمقّْرَان ذ زَّامَّار نِّي يتْصُوْضن ن أَربِّي ڒخْدّنِّي يمتِّينن تُوْغَا يُوْمْنن زِي لْمَسِيح اَذ د كَّرن ذ يمزْوُوْرَا. سّنِّي نشِّين يعْنِي يِنِّي عَاذ يدَّرن يعْنِي ينِّي عَاذ اَقَانغ ذِي دُّنشْت-أَ اَتَاف اَكِذْسن نتْوَارْفع غَار وجنَّا ذݣ يسيْنُوْثن بَاش أَ نْمڒْقَا اَك سِيذِيثْنغ ذِي لْهَوَا. وَا ٱمنِّي اَكِذس نِيڒِي إِ ڒبْدَا. إِذن، شجّْعث اَيَاوْيَا س وَاوَاڒن-أَ.
كْلِيكَا سْوَادَّاي بَاش اَذ تْغَرذ اَوَاڒن نّغْنِي ن أَربِّي س ثْمَازِيغْث ن أَرِّيف إِي د يُوْسِين ذِي سُّوْرَا-يَا قَّارن-اَس ثَبْرَات ثَمزْوَارُوْت ن اَرَّسُوْل بُوْلُس غَار أَيث-سَلُوْنِيك.
