Ṣenneṭ i ȓebƹaḏ n lʼayaṯ zi ssura umi qqaren Ayub. Ṯessawaȓ x ṣbar n Siḏna Ayub ḏ mammec irbeḥ x min xas d ikkin ḏ ȓemḥayen, ṯtarjem ḏanita s ṯmaziɣṯ n Arrif, iƹni ṯarifiṯ.
Ɣer ḏanita zeg uneggaru n ssura x wami injeḥ Siḏna Ayub ḏi ȓemḥayen iy xas ikkin, ḏeg wuḏem 42 zi lʼaya 10 aȓ 17: Awarni i manaya isbedd Arebbi Ayub yuca-as ȓxir aṭṭas, ktar zi min ȓa ɣares qbeȓ x marṯayen. Igga ij n ficṭa ḥḍaren-d marra ayṯmas ḏ swiṯmas ḏ imeddukaȓ nnes, ssiwȓen akiḏes s wawaȓen n ȓxir, tfajjan xas x marra min ḏas igga Arebbi, yiwi-d kuȓ ijjen cwayt n nnuqarṯ ḏ yij n ṯxaḏent n dheb. Arebbi ibarek x ṯuḏarṯ n Ayub ktar zeg umezwaru. Ayub tuɣa ɣares arbeƹṭac aȓef n ȓebhayem, sett-aȓef iȓeɣman, aȓefayen ifunasen ḏ waȓef n yiɣyaȓ. Yuca-as Arebbi ƹecra n ṯarwa nnes, sebƹa iḥenjiren, ḏ ṯȓaṯa n ṯḥenjirin. Isemma-yas i ṯmezwarut <Yamima>, wis ṯnayen <Kisya>, wis ṯȓaṯa <Karen Habbux>. Tuɣa war ḏinni ḥadd ḏayes zzin amecnaw niṯenti ḏi marra ṯamurṯ nni. Yuca-asent babaṯsent ȓḥaqq nsent n ȓwareṯ akeḏ ayṯmaṯsent. Menbaƹd manaya Ayub iƹic miyya u arbeƹin sna ḥetta aȓmi iẓra tarrin-d ṯarwa nnes ḏ wayyawen nnes ḏ ṯarwa n wayyawen nnes. Uca immuṯ Ayub u tuɣa-ṯ iwsar aṭṭas.
