Ṯuḏarṯ n Siḏna Musa s ṯmaziɣṯ n Arrif (Ṯarifiṯ)


Ṣenneṭ i ȓebƹaḏ n lʼayaṯ zi ssuraṯ ḏi Tuwrat. Icten qqaren-as Ufuɣ, icten qqaren-as Ȓkitab n Ayṯ-Lawi, icten qqaren-as Lƹadad, icten qqaren-as Afessar n Ccariƹa n Musa. Ssawaȓent x ȓiyyam n Siḏna Musa, tarjment ḏanita s ṯmaziɣṯ n Arrif, iƹni ṯarifiṯ.


Ɣer ḏanita x ƹecra n ȓuṣiyaṯ nni iy ḏas yuca Siḏi Arebbi i Siḏna Musa. Manaya aqaṯ ḏi ssura umi qqaren Ufuɣ ḏeg wuḏem wis 20 zi lʼaya 1 aȓ 17: Uca issiweȓ Arebbi s marra awaȓen-a: Nec ḏ Arebbi lʼilah nnec iy c d isufɣen zi ṯmurṯ n Miṣra mani iy c tuɣa ḏ ismeɣ.



I           War ƹebbeḏ bu lʼaliha nneḍnit illa nec.



II         War tegg bu lʼaṣnam. War tegg bu teṣwirṯ i min iǧan ḏeg ujenna ḏ min ḏayes sennej n ṯmurṯ ḏ min ḏayes ḏeg waman swadday n ṯmurṯ. War ḏasen tsejjaḏ ca war ṯen ƹebbeḏ ca, ȓaḥeqqac nec ḏ Siḏi Arebbi lʼilah nnec. War xseɣ ca aḏ tƹebbḏeḏ can lʼaliha nneɣnit mebȓa zzayi. Tƹeqqabeɣ iḥenjiren x dnub iy ggin lwalidin nsen ḏ lwalidin n lwalidin nsen zeg yinni ḏayi icarrhen. Teggeɣ ȓxir ḏi ȓuȓuf n lʼajyal zeg yinni ḏayi itexsen ḏ yinni itṭaƹan
i
ȓuṣiyaṯ inu.



III        War neṭṭeq ca ḏi ȓbaṭeȓ s yisem n Siḏi Arebbi lʼilah nnec, ȓaḥeqqac Siḏi Arebbi itƹeqqab wenni ineṭṭqen s ȓbaṭeȓ s yisem nnes.



IV        War xeddem ca ḏi nhar n ssebṯ nhar n wareyyaḥ ḥima aḏ yiȓi ḏ nhar amqeddes. Sett-iyyam iy ɣa ṯxeḏmeḏ, egg marra cɣuȓaṯ nnec. Maca nhar n ssebṯ nhar n wareyyaḥ n Siḏi Arebbi lʼilah nnec. War ḏayes xeddem ca cek ḏ mmic ḏ yeǧic ḏ
y
ismeɣ nnec ḏ ṯxeddant nnec niɣ ḏ ȓebhimeṯ nnec niɣ ḏ ȓbarrani iy kic iǧan. Ȓaḥeqqac Siḏi Arebbi igga ajenna ḏ ṯmurṯ ḏ ȓebḥar ḏ marra min ḏayes ḏi sett-iyyam. Uca irtaḥ ḏi nhar n ssebṯ. Suyenni ibarek Siḏi Arebbi nhar n ssebṯ, iggi-ṯ amqeddes.



V         Weqqar babac ḏ yemmac ḥima aḏ iȓin wussan nnec ḏi ṯmurṯ ḏ iziran, iy ɣa c yuc Siḏi Arebbi lʼilah nnec.



VI        War neqq ca.



VII      War zenna ca.



VIII     War tacar ca.



IX        War cehheḏ bu ẓẓur x wajjar nnec.



X         War ƹecceq ca ḏi ṯemɣarṯ n wajjar nnec, niɣ ḏi ṯeddarṯ nnes, niɣ ḏeg ismeɣ nnes, niɣ ḏi ṯxeddant nnes, niɣ ḏeg ifunasen nnes, niɣ ḏeg iɣyuȓen nnes, niɣ ḏi can ȓḥajeṯ nnes.