Raƹuṯ: Ḥennas n Siḏna Dawud s ṯmaziɣṯ n Arrif (Ṯarifiṯ)


Ṣenneṭ i ssura umi qqaren Ȓaƹuṯ. Nettaṯ ḏ ḥennas n Siḏna Dawed. Ṯessawaȓ x ȓiyyam n Ȓaƹuṯ, u ṯtarjem ḏanita s ṯmaziɣṯ n Arrif, iƹni ṯarifiṯ.


Ɣer ḏanita x Ȓaƹuṯ wami ṯxes aḏ tini ma aḏ teqqim ḏi ṯmurṯ nnes niɣ aḏ tesmeḥ ḏi ȓeḥbab nnes aḏ traḥ akeḏ lallas Naƹima ɣar Bayt Laḥm ɣar yij n ṯmurṯ ṯiggwej. Manaya aqaṯ ḏeg wuḏem wis 1 zi lʼaya 15 aȓ 19: Ṯenna-as lallas: "Xzar! Aqa ṯanuṭ nnem ṯrewweḥ, ṯeƹqeb ɣar ȓqum nnes ḏ lʼaliha nnes. Ƹqeb uȓa ḏ cem akiḏes."



- Ṯarra-d xas Raƹuṯ ṯenna-as:



War xafi tzeyyar ca bac aḏayem semḥeɣ,
war xafi tzeyyar ca bac axam beƹƹḏeɣ.
Minzi mani ma ṯruḥeḏ, akim raḥeɣ,
y mani ma ṯzeḏɣeḏ, akim zeḏɣeɣ.
Ȓqum nnem aḏ yiȓi ḏ ȓqum inu,
Arebbi nnem aḏ yiȓi ḏ Arebbi inu.


Mani ma ṯemmuṯeḏ cem,
aḏ mmṯeɣ uȓa ḏ nec,
u ḏinni iy ɣa neḍȓeɣ.
U Siḏi Arebbi aḏayi iƹeddeb meȓa semḥeɣ ḏayem.
War xam farqeɣ ḥetta aȓ ḏayi ɣa ṯfarq xam ȓmewṯ.




Aȓmi ṯeẓra Naƹima belli Raƹuṯ ṯxes u labud akis ṯraḥ, war ṯeqqim bu ṯessawaȓ akiḏes ktar x uƹqab. Ruḥent Naƹima ḏ Raƹuṯ s ṯnayen iḏsent ɣar ṯendint nni umi qqaren Bayt Laḥm...

Share