Ṯabrat ṯamezwarut n arrasul Bulus ɣar Timuṯawus s ṯmaziɣṯ n Arrif (Ṯarifiṯ)

Téléchargements: 
  • File icon Ṯabrat ṯamezwarut n arrasul Bulus ɣar Timuṯawus s lḥuruf n ṯeƹrabṯ, ssura wis xemmesṭac n Lʼinjil n Siḏiṯneɣ Ƹisa Lmasiḥ. Ṯabrat ṯamezwarut ɣar Timuṯawus 1 – 6
  • File icon Ṯabrat ṯamezwarut n arrasul Bulus ɣar Timuṯawus s lḥuruf n latiniya, ssura wis xemmesṭac n Lʼinjil n Siḏiṯneɣ Ƹisa Lmasiḥ. Ṯabrat ṯamezwarut ɣar Timuṯawus 1 – 6


Lʼinjil ɣares ṯnayen n yisemawen, qqaren-as Lʼinjil qqaren-as Ȓƹaheḏ ḏ jḏiḏ. Lʼinjil ḏayes 27 n ssuraṯin. Ssura wis xemmesṭac yuri-t Siḏna Bulus, qqaren-as Ṯabrat ṯamezwarut n arrasul Bulus ɣar Timuṯawus. Ṯtarjem ḏanita s ṯmaziɣṯ n Arrif, iƹni ṯarifiṯ. Ṯanita ḏ ijjen n ṯebrat iy yura arrasul Bulus ɣar yijjen n uḥenjir qqaren-as Timuṯawus zeg imƹacaren nnes. Timuṯawus itbeccar s Lʼinjil jar ȓmuminin n Ƹisa Lmasiḥ izeḏɣen ḏi ṯendint n Ufasus. Siḏna Bulus iseȓmaḏ Timuṯawus ineṣṣeḥ-iṯ x ȓxeḏmeṯ nnes jar ȓmuminin nni u ƹaweḏ x mamc tiȓi jmaƹeṯ n ȓmuminin.


Ḏi ssura-ya ɣarneɣ ijjen n nnacid zi lʼamdaḥ iqḏimen zi jmaƹeṯ n ȓmuminin. Issawaȓ x Siḏiṯneɣ Ƹisa Lmasiḥ. Ntaf awaȓen-a ḏeg wuḏem wis 3 ḏi lʼaya 16 ṯeqqar: U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n Iʼiman:



Netta, ḏ bnaḏem iy d imeḍharen,

ḏ Arruḥ iy xas icehḏen.

Netta, ḏ lmalaʼikaṯ iy ḏayes ixzaren,

ḏ ȓegnus iy zzayes itwabeccaren.

Netta, ḏi ddunect yinni iy zzayes yumnen,

ḏ lƹaḍama n ujenna iy ṯ iqebȓen.


Klika swadday bac aḏ tɣareḏ awaȓen nneɣni n Arebbi s ṯmaziɣṯ n Arrif iy d yusin ḏi ssura-ya qqaren-as Ṯabrat ṯamezwarut ɣar Timuṯawus.