Lʼinjil ɣares ṯnayen n yisemawen, qqaren-as Lʼinjil ƹaweḏ qqaren-as Ȓƹaheḏ ḏ jḏiḏ. Lʼinjil ḏayes 27 n ssuraṯ. Ssura wis ṯȓaṯa yuri-t Siḏna Luqa, ṯtarjem ḏanita s ṯmaziɣṯ n Arrif, iƹni ṯarifiṯ. Min iƹna Siḏna Luqa? Netta ḏ ijjen zi ȓmuminin imezwura n Siḏna Ƹisa. Netta ḏ aḍbib ḏ ameddukeȓ n arrasul Bulus, itsafar akiḏes ḏi ȓxeḏmeṯ nnes. Ṯeqqar Ssura n Siḏna Luqa ḏeg wuḏem wis 1 zi lʼaya 26 aȓ 35: Wami Ilizabet ṯeǧa ḏi char wis setta, issekk Arebbi Jibril ɣar ij n ṯendint ḏi Ljalil qqaren-as Nnaṣira. Iruḥ ɣar ij n ṯeƹzrect qqaren-as Maryam, kiḏ igga zzujiya ij n uryaz zi ddurriṯ n Dawud qqaren-as Yusef. Yuḏef ɣares lmalaʼika inna-as: "Sȓam xam, ya ṯenni iy xef irḍa Arebbi, Siḏi Arebbi akiḏem." Ḏinni ṯnexȓeƹ Maryam wami ṯesȓa i wawaȓ-a n lmalaʼika. Ṯenna ḏeg yixef nnes mant ȓmaƹna n sȓam-a? Inna-as lmalaʼika: "War teggweḏ, a Maryam, xam arḍa n Arebbi! Aḏ teysiḏ aƹeddis, aḏ tejjeḏ ij n uḥenjir aṯ tsemmiḏ Ƹisa. Aḏ yiȓi ḏ ameqqran, ataf tȓaɣan-as mmis n wenni yuƹȓan. Aḏas yuc Siḏi Arebbi nnes lƹarc n jeddis Dawud. Aḏ iḥkem x ccaƹb n Yaƹqub i ȓebda, ȓmulk nnes ƹemmarṣ aḏ ifna." Ṯenna-as Maryam i lmalaʼika: "Mammec manaya? Qa nec ḏ ṯaƹzrect." Ijaweb-it lmalaʼika nni: "Axam d ihwa Arruḥ iqedsen, jjehḏ n wenni yuƹȓan axam igg ṯiȓi. S manaya aḥenjir iqedsen iy ɣa ṯejjeḏ ataf tȓaɣan-as Mmis n Arebbi. Ɣer niɣ ṣenneṭ swadday i wawaȓen nneɣnit n Arebbi iy d yusin ḏi Ssura n Siḏna Luqa.
Luqa 1:1-80- Luqa 2:1-52
- Luqa 3:1-38
- Luqa 4:1-44
- Luqa 5:1-39
- Luqa 6:1-49
- Luqa 7:1-50
- Luqa 8:1-56
- Luqa 9:1-62
- Luqa 10:1-42
- Luqa 11:1-54
- Luqa 12:1-59
- Luqa 13:1-35
- Luqa 14:1-35
- Luqa 15:1-32
- Luqa 16:1-31
- Luqa 17:1-37
- Luqa 18:1-43
- Luqa 19:1-48
- Luqa 20:1-47
- Luqa 21:1-38
- Luqa 22:1-71
- Luqa 23:1-56
- Luqa 24:1-53
